Համացանց

Երևանի ընդհանուր իրավասության դատարանի Շենգավիթի նստավայրում ոստիկանությունն ուժեղացված ծառայություն է իրականացնում. ընթանում է «Սասնա ծռերի» գործով դատական նիստը: Գևորգ Սաֆարյանը ներկայացնում է տիրող իրավիճակը: «Սերժիկի ժամանակներն ենք հիշում: Տեսեք՝ ինչ քանակությամբ ոստիկաններ են կուտակված: Քիչ առաջ տեսան, որ նկարում ենք, հրահանգ տվեցին կարմիր բերետավորներին ուղարկել չերևացող տարածք: Ու սա իրականացվում է երկու տասնյակ խաղաղ քաղաքացիների համար: Ի՞նչ կարիք կար»:

Հիշեցնենք, որ դատարանի որոշմամբ նիստերն այսուհետ անցկացվելու են դռնփակ՝ դրանց ընթացքը չխոչընդոտելու համար։ Այս որոշմամբ պայմանավորված՝ «Սասնա ծռերի» աջակիցները բողոքի ակցիա են իրականացնում դատարանի շենքի դիմաց:

Քիչ առաջ, սակայն, դատարանը վերանայեց որոշումը. «Սասնա ծռեր» խմբի 10 անդամների գործը կքննվի դռնբաց: