ՄԱԿ-ի՝ մարդու իրավունքների հարցերով գերագույն հանձնակատարի ներկայացուցիչ Ռուփերթ Քոլվիլը հայտարարել է, որ ԱՄՆ նախագահ Դոնալդ Թրամփի՝ ներգաղթյալների մասին արված հայտարարությունն իսկապես ռասիստական է, հաղորդում է Reuters-ը:
Հիշեցնենք, որ ավելի վաղ Թրամփը հայտարարել էր, որ ԱՄՆ-ին պետք չեն ներգաղթյալներ աշխարհի «կեղտոտ» երկրներից:
«Այլ բառ չեմ կարողանում մտաբերել՝ բացի ռասիզմից: Անթույլատրելի է առանձին երկրներ կամ մի ամբողջ մայրացամաք «կեղտոտ խորշ» անվանելը: Դա ամոթալի է»,- ասել է Քոլվիլը:
ԱՄՆ-ում Հայիթիի դեսպանը ևս մեկնաբանել էր Թրամփի հայտարարությունը՝ նրան վատ դաստիարակված անվանելով: