Միջազգային

Ամերիկյան հայտնի կանացի խմբի՝ Pussycat Dolls-ի նախկին անդամներից մեկը՝ Քայյ Ջոնսը, սկանդալային բացահայտումներ է ներկայացրել թվիթերյան իր էջում: Նա պատմել է, որ խմբի աղջիկներին պարտադրել են զբաղվել մարմնավաճառությամբ, ինքը ևս ստիպված է եղել «զբաղվել հրամայական սեքսով»: «Ես իրականում խմբի անդամ չէի, այլ մարմնավաճառական ցանցի»,- գրել է նա՝ այդ ամենի մեղավորը համարելով խումբն ստեղծող կնոջը՝ Ռոբին Անթինին: Վերջինին նա կոչ է արել պատմել, թե ինչու խմբի անդամներից մեկը՝ Սիմոն Բաթլն, ինքնասպան եղավ 2014-ին, 25 տարեկանում: «Պատմիր, թե դու ինչպես էիր բարոյապես կոտրում մեզ»,- ավելացրել է Քայյը՝ նշելով, որ բոլոր անդամները լռել են՝ վախենալով հաշվեհարդարից:
     «Ինձ սպառնում էին, որ եթե բերանս բացեմ, կաʹմ ինձ մեռած կգնեն, կաʹմ էլ իմ կարիերան կխորտակվի:
     Pussycat Dolls-ը գոյություն է ունեցել 1995-2010 թթ.: Նրանք ձայնագրել են այնպիսի հիթեր, ինչպիսիք են Don't Cha, Stickwitu, I Hate This Part, Hush Hush և Buttons: