Իտալիայի հարավում զբոսաշրջիկների ընտանիքը` հայրը, մայրը և 11-ամյա որդին, մահացել է՝ հրաբխի խառնարանի մեջ ընկնելով: Այս մասին գրում է РИА Новости-ն:
Թուրինցի ծնողներն իրենց երեխաների հետ այցելել են Նեապոլի շրջանում գտնվող հայտնի Ֆլեգրեյան դաշտեր՝ հրաբխային տարածքները դիտելու: Նրանց 11-ամյա որդին զբոսանքի ժամանակ մտել է արգելված գոտի, ծնողները փորձել են բռնել որդուն, սակայն երեքով գետնի տակ են անցել, քանի որ տվյալ հատվածը փլուզվել է:
Իտալիայում զբոսաշրջիկների ընտանիքն ընկել է հրաբխի խառնարանն ու մահացել
Նրանք տեղում մահացել են, հնարավոր է՝ այդ վայրում արտանետվող թունավոր գազերի պատճառով:
Իր հարազատների մահվանն ականատես է դարձել ընտանիքի մյուս որդին:
Տեղի իշխանությունները խոստացել են, որ զբոսաշրջիկների մահվան հանգամանքներն ուսումնասիրելու համար կստեղծվի հատուկ հանձնաժողով: