Վենեսուելայում երկրի ընդդիմությունը հուլիսի 16-ին Սահմանադրության փոփոխության հարցով ոչ պաշտոնական հանրաքվե է անցկացրել նախագահ Նիկոլաս Մադուրոյի նկատմամբ ճնշումն ուժեղացնելու նպատակով, գրում է Reuters-ը:
Քվեարկության ժամանակ մարդկանց վրա կրակ են բացել, ինչի հետևանքով 1 զոհ կա:
Քվեարկության ժամանակ Վենեսուելայի քաղաքացիները պետք է պատասխանեն հարցին՝ ցանկանո՞ւմ են արտահերթ նախագահական ընտրություններ անցկացնել, թե՞ ոչ: Ընդդիմությունը փորձում է ցույց տալ, որ Մադուրոյի նախագահությունն այլևս լեգիտիմ չէ: Մադուրոն, սակայն, հանրաքվեն անօրինական և անիմաստ է գնահատել, և նոր քաղաքական ինստիտուտ` սահմանադրական վեհաժողով կազմավորել:
Քվեարկությանը մասնակցել են նաև այն քաղաքացիներն, ովքեր հեռացել են երկրից: Քվեարկությանը փորձել են մասնակցել անգամ պետաշխատողները, թեև կառավարությունն արգելել է նրանց:
Ապրիլի սկզբից մինչ օրս Վենեսուելայում զանգվածային ցույցեր և բախումներ են ընդդիմադիրների և ոստիկանության միջև, ինչի հետևանքով արդեն նվազագույնը 100 մարդ է զոհվել: