Թուրքիայի նախագահ Ռեջեփ Էրդողանը հայտարարել է, որ իր երկիրը բազմաթիվ թշնամիներ ունի, որոնք անհամբեր սպասում են երկրի կործանմանը:
«Շատ ու շատ թշնամիներ են սպասում Թուրքիայի կործանմանը: Եթե ես սկսեմ թվել բոլորին, դա կհանգեցնի միջազգային մակարդակի շատ խոշոր ճգնաժամի,- ասել է նա՝ Թուրքիայում ռազմական հեղաշրջման փորձի մեկամյա տարելիցի կապակցությամբ իրականացված միտինգի ժամանակ:
Հիշեցնենք, որ Թուրքիայում ռազմական հեղաշրջման փորձն իրականացվել էր 2016-ի հուլիսի լույս 16-ի գիշերը, զոհվել էր ավելի քան 240 մարդ, վիրավորվել ավելի քան 2000-ը: Երեկ Թուրքիայի բազմաթիվ քաղաքներում տեղի էին ունեցել բազմահազարանոց երթեր՝ ի հիշատակ պետական հեղաշրջման մեկամյակի: