Նիգերիայում կոռուպցիայի դեմ պայքարի շրջանակներում հատուկ գործողության արդյունքում չբնակեցվող բնակարաններից մեկից հայտնաբերել են ավելի քան 43 միլիոն դոլար: Իրավապահներին գումարի տեղն ասել է անանուն աղբյուրը: Վերջինս հայտնել է, որ Լաոսի այդ բնակարանում կասկածելի ակտիվություն է նկատել, այնտեղ հաճախ են ներս ու դուրս անում մեծ պայուսակներով մարդիկ:
Ստանալով համապատասխան օրդեր՝ ուժայինները ջարդել են 4 սենյականոց բնակարանի դուռն, այնտեղ հայտնաբերել 3 չհրկիզվող պահարան՝ համաչափորեն դասավորված թղթադրամների կապոցներով: Ընդհանուր առմամբ՝ առգրավվել է 43 միլիոն ԱՄՆ դոլար, ավելի քան 27 հազար ֆունտ սթերլինգ, 23 միլիոն նիգերիական նայր:
Նշենք, որ 2016-ից նիգերիական կառավարությունը հատուկ ծրագիր է մշակել անանուն տեղեկացման համար, և եթե տեղեկացնողը ճիշտ է հաղորդում կաշառակերության մասին, ապա ստանում է առգրավված գումարի 2,5-5%-ի չափով գումար: Այս ծրագրի շնորհիվ ստվերից հանվել է 160 միլիոն ԱՄՆ դոլար:
Եթե պարզվի, որ վերոնշյալ բնակարանից առգրավված գումարը ձեռք է բերվել ապօրինաբար, ապա տեղեկացնող աղբյուրին հասնում է մոտ 2 միլիոն դոլար «թեյավճար»:
