Թուրքիան չի համագործակցի Սիրիայի նախագահ Բաշար Ասադի հետ, բայց միևնույն ժամանակ մտադիր չէ ուժով տապալել նրան: Այս մասին RT-ին տված հարցազրույցի ժամանակ հայտարարել է Թուրքիայի նախագահի խորհրդական Իլնուր Չևիքը:
«Թուրքիան չի պատրաստվում առճակատման գնալ ու ուժով տապալել Ասադին: Ահա թե ինչու են Թուրքիան, Ռուսաստանն ու Իրանը բանակցություններ անցկացնում Աստանայում: Չեմ կարծում, թե Ասադի հանդեպ ուժի կիրառումն այսօր օրակարգում է»,- ասել է խորհրդականը:
Չևիքը հայտարարել է նաև, որ Թուրքիան դեմ չէ Միացյալ Նահանգների` սիրիական կարգավարման հարցով բանակցություններին միանալուն: