Twitter սոցիալական ցանցի համահիմնադիր և գլխավոր տնօրեն Ջեք Դորսիի թվիթերյան էջն արգելափակվել է, հաղորդել է The Wall Street Journal-ը:
Նշվում է, որ Դորսիի` @jack անվամբ էջն անհայտ պատճառներով ժամանակավորապես արգելափակվել է: Ապաարգելափակումից հետո պարզվել է, որ Դորիսին ընդամենը 200 բաժանորդ ունի, ավելի ուշ նրա բաժանորդների թիվը վերականգնվել է` հասնելով նախկին 3.8 միլիոնին:
Ինքը` Դորսին, թվիթերյան իր էջում գրել է, որ արգելափակումը ներքին սխալի հետևանք է եղել:
Twitter-ի օրենքներով` ցանկացած օգտատեր կարող է անջատել իր հաշիվը, սակայն արգելափակում կարող է իրականացնել միայն ընկերությունը: