Նոյեմբերի 14-ին ՌԴ ռազմածովային ուժերի «Ադմիրալ Կուզնեցով» ավիակրի վրա վայրէջք կատարելիս վթարվել է ՌԴ ՌԾՈւ ՄիԳ-29Կ կործանիչ: Ինքնաթիռի օդաչուն կարողացել է կատապուլտի միջոցով փրկվել: Այս մասին հայտնում է ТАСС գործակալությունը:
ՌԴ Պաշտպանության նախարարությունը փոխանցում է, որ ինքնաթիռը կործանվել է մարզումային թռիչքի ընթացքում՝ տեխնիկական անսարքության պատճառով:
Ռուսաստանյան գործակալությունն իր հերթին փոխանցում է, որ կործանիչն ընդամենը վերջերս՝ 2016 թ. աշնանն էր համալրել ՌԴ ռազմածովային ուժերի հյուսիսային նավատորմի հարվածային խումբը և «Ադմիրալ Կուզնեցովի» հետ ուղարկվել Միջերկրական ծով ու Ատլանտյան օվկիանոս: