Աշխարհի նախկին երրորդ ռակետ արգենտինահայ թենիսիստ Դավիթ Նալբանդյանը վթարի է ենթարկվել Արգենտինայում ընթացող ռալիի ժամանակ։ Մրցուղու հատվածներից մեկում Նալբանդյանի վարած ավտոմեքենան շուռ է եկել։ Թենիսիստը լուրջ վնասվածքներ չի ստացել։
Հիշեցնենք, որ Նալբանդյանը մարզական կարիերան ավարտել է 2013-ին, ինչից հետո զբաղվել է մոտոսպորտով։ 2014-ին արգենտինացին սկսել է հանդես գալ ռալիներում։