Այն, որ որսագողերը վերացնում են փղերին` նրանց ժանիքների համար, հայտնի է բոլորին: Այս հսկա կենդանիներին մշտապես սպանել են միայն ժանիքների համար` մնացած հսկայական մարմինը թողնելով, որ փտի հանցանքի վայրում:
Սակայն այժմ կենդանիների պաշտպանները նոր խնդիրների առաջ են կանգնել: Մյանմայի արգելոցի աշխատողները հայտնաբերում են սպանված փղերի նորանոր մարմիններ, որոնց վրայից պոկված է լինում նաև կաշին: Պարզվել է, որ փղերի կաշին որպես ժողովրդական դեղամիջոց լայնորեն սկսել է կիրառվել Չինաստանում: Ավելին, տեղի զարդագործներն սկսել են դրանցից իբրև թե պահպանող ուլունքներ սարքել:
Չնայած նրան, որ փղերի կաշին այնքան թանկ չի գնահատվում, որքան ժանիքներն, այնուամենայնիվ, որսագողերին դա չի կանգնեցնում: Սև շուկայում 1 կգ կաշին արժե 60 դոլար:
Վերջին մեկ տարում փղերի ոչնչացման ապօրինի դեպքերը հաճախակիացել են քառակի: