Կոնգոյի Դեմոկրատական Հանրապետությունում 100-ավոր ցուցարարներ են սպանվել, ովքեր փողոց էին դուրս եկել` պահանջելով, որ նախագահ Ժոզեֆ Քաբիլան նշանակի հաջորդ ընտրություննրի օրը: Ինչպես հայտնում է BBC-ն, այդ մասին հայտնել է երկրի ընդդիմությունը:
Ընդդիմադիրները հայտարարել են, որ գործող նախագահն ամեն կերպ փորձում է մնալ իշխանության ղեկին, այն դեպքում, երբ նրա պաշտոնավարման ժամկետը լրանում է ընթացիկ տարվա ավարտին:
Կոնգոյի Դեմոկրատական Հանրապետության Ներքին գործերի նախարար Էվարիստե Բոշեբը ցուցարարներին մեղադրել է ապստամբության փորձի համար:
Ֆրանսիան և ԱՄՆ-ը Կոնգոյի իշխանություններից պահանջել են նախագահական ընտրությունների օր նշանակել:
Քաբիլան Կոնգոյի Դեմոկրատական Հանրապետության նախագահի պաշտոնում 2001թ. հաջորդել է իր հորը: