«Բնական է, որ գազի սակագնի իջեցումը բերելու է նաև էլեկտրաէներգիայի սակագնի իջեցման: Ապրանքների գների վրա ևս այն կունենա իր ազդեցությունը: Եթե խոսում ենք ավելի ցածր ինքնարժեքի ու շուկայում մրցակցային միջավայրի ձևավորման մասին, ուրեմն կբերի իջեցում»,- լրագրողների հետ զրույցում ասել է ՀՀ Էկոնոմիկայի նախարար Արծվիկ Մինասյանը:
Նախարարը նշել է, որ գազի գին ձևավորողը «Գազպրոմ Արմենիա»-ն չէ, այն գազի գին առաջարկող օպերատորն է, իսկ գազի սակագնի ձևավորման ամբողջական մեխանիզմը գտնվում է մեր երկրում, և պատասխանատուն Հանրայի ծառայությունները կարգավորող հանձնաժողովն է: