Ինչպես արդեն նշել էինք, ՌԴ նախագահ Վլադիմիր Պուտինը հանդես է եկել Թուրքիայի սահմանին կործանված ռուսական ռազմական օդանավի միջադեպի շուրջ հատուկ հայտարարությամբ: Իր ելույթի ընթացքում ՌԴ նախագահը հավելել է, որ ռուսական օդանավը որևէ վտանգ չի ներկայացրել Թուրքիայի համար:
«Մենք մանրամասն կվերլուծենք տեղի ունեցածը: Պատահարը լրջագույն հետևանքներ է ունենալու, այդ թվում նաև` ռուս-թուրքական հարաբերությունների համար: Մենք միշտ էլ Թուրքիային որպես բարեկամ պետություն ենք դիտարկել: Չեմ կարող ասել, թե այսօր տեղի ունեցածն ո՞ւմ էր պետք, համենայն դեպս` ոչ մեզ»,- նշել է ՌԴ նախագահը:
Հիշեցնենք, որ ավելի վաղ Պուտինը Լաթաքիայում Թուրքիայի կողմից ռուսական ռազմական օդանավի կործանումը թիկունքից հարված էր անվանել: