Դոհայում շարունակվում է բռնցքամարտի աշխարհի առաջնությունը: 52 կգ քաշային Կորյուն Սողոմոնյանը 1/16 եզրափակչում հանդիպեց Պապուա Նոր Գվինեայի ներկայացուցիչ Չարլզ Կեամային: Բոլոր երեք մրցավարներն էլ երեք ռաունդներում հաղթանակը տվեցին Սողոմոնյանին: Այսպիսով, մեր մարզիկը դուրս եկավ 1/8 եզրափակիչ, որտեղ կհանդիպի 2013-ի աշխարհի փոխչեմպիոն ալժիրցի Ֆլիսսի Մոհամեդին: Մենամարտը տեղի կունենա հոկտեմբերի 9-ին: Հիշեցնենք, որ պայքարում մնացած մեր մյուս մարզիկը` 64 կգ քաշային Հովհաննես Բաչկովը 1/8 եզրափակչի իր գոտեմարտը կանցկացնի հոկտեմբերի 8-ին: