Ֆիլիպիններւոմ «Մուչժիգե» թայֆունի պատճառով կորել է առնվազն 121 ձկնորս: Ներկա դրությամբ չի հաջողվել կապ հաստատել ձկնորսական 23 նավի հետ, որոնց մեծամասնությունն անհետացել է Պանգասինան նահանգի ափերի մոտ:
Որոնողափրկարարական գործողություններին ներգրավված են իրավապահներն, ափային պահակազորը, ֆիլիպինյան բանակն ու ձկնորսները: Բացի այդ, թայֆունին զոհ է գնացել 2 մարդ, ավերվել է 200 տուն, հաղորդում է «ՏԱՍՍ»-ը:
Չինաստանի հարավում թայֆունի մոտենալու հետ կապված հայտարարվել է վտանգի բարձրագույն աստիճան: Ակնկալվում է, որ առանձին շրջաններում կարող են տեղալ մինչև 250-280 մմ տեղումներ, որոշ շրջաններում դադարեցված է տրանսպորտային հաղորդակցությունը: