«Իսլամական պետություն» ահաբեկչական կազմակերպությունը մտադիր է մեծ զորամիավորումներ ստեղծել Աֆղանստանում ու Պակիստանում` Հնդկաստան ներխուժման և «աշխարհի վերջը» մոտեցնելու համար: Այս մասին գրում է USA Today-ը` հենվելով ահաբեկիչների հրապարակած` «Իսլամական խալիֆաթի, Մարգարեի խալիֆաթի համառոտ պատմություն» փաստաթղթի վրա:
Այդ փաստաթղթի 32 էջերում ասվում է, թե ինչպես է «Իսլամական պետություն»-ը միավորելու աֆղանական ու պակիստանական իսլամական զորամիավորումներն ու թե ինչպես է ռազմական գործողություններ ծավալելու Հնդկաստանում: Ասվում է, որ Հնդկաստանի վրա հարձակումը դառնալու է ԱՄՆ հետ պատերազմի ապոկալիպսիսի սկիզբը:
«Անգամ եթե ԱՄՆ-ն իր դաշնակիցների հետ դուրս գա մեր դեմ, իսկ դա, անկասկած, տեղի կունենա, ապա դա կդառնա վերջնական պատերազմում ուժերի միավորում»,- ասված է փաստաթղթում: