«Ցանկացած պահի կարող ենք նորից փակել Բաղրամյան պողոտան, եթե հարկ լինի՝ ևʹ սկսզբից, ևʹ վերջից, որ չկարողանան անգամ իրենց նստավայրեր հասնել: Ես որպես շարքային քաղաքացի լինելու եմ և՛ այստեղ, և՛ այնտեղ, բայց որպես համակարգող՝ «Ոչ թալանին» նախաձեռնութունն այլևս իրավիճակին չի խառնվի: Այնտեղ արդեն սկսել են քաղաքական խմորումներ տեղի ունենալ»,- այսօր, Ազատության հրապարակում հայտարարեց «Ոչ թալանին» նախաձեռնութան անդամ Վաղինակ Շուշանյանը: Նա կրկին անգամ հիշեցրեց, որ «Ոչ թալանին»-ն ապաքաղաքական կառույց է, զբաղվում է զուտ սոցիալական խնդիրներով, որն էլ, այս պահին, էլեկտրաէներգիայի թանկացումը չեղյալ համարելն է: ՄԱՄՈՒԼ.am-ի թղթակցի հարցին, թե ինչպես է Վաղինակը վերաբերվում այն խոսակցություններին, որ իբրև իրեն վախեցրել են, ինչի պատճառով էլ հենց նա լքել է Բաղրամյան պողոտան, վերջինը պատասխանեց, «Այս կյանքում, իմացեք, ես միայն ինձնից եմ վախենում, ոչ ոք չի կարող ինձ վախեցնել: Ի գիտություն բոլորի՝ այն, ինչը որ չեն կարող կյանքում ինձնից խլել, իմ խիզախությունն է, դուխն է»: