«Կորուսյալ լճի» անբացատրելի առեղծվածը փակուղու առաջ է կանգնեցրել գիտնականներին
 ԱՄՆ-ի Օրեգոն նահանգի «Կորուսյալ լիճը» տարվա մեծ մասը նման է ամենասովորական լճի՝ հանդարտ ու խաղաղ: Բայց հենց ձմեռն անցնում է, հայտնվում է խորհրդավոր անցք, որով էլ ամբողջ ջուրը հոսում է անհայտ ուղղությամբ՝ թողնելով չոր, անապատային բնանկար: Այս առեղծվածը մինչ օրս էլ գիտնականներին փակուղու առաջ է կանգնեցրել: Ուիլլամեթթի Ազգային պարկի մամլո քարտուղար Ջուդ Մաքհյուն վերջերս հայտնել է, որ այդ անցքն այդտեղ եղել է միշտ, և գիտնականների մոտ մի հիպոթեզ է առաջ քաշվել, որը կարող է տալ առեղծվածի բացատրությունը: Երկրաբանները կարծում են, որ ամեն ինչում մեղավոր են հրաբուխները կամ ավելի ստույգ, այն վայրը, որտեղ գտնվում է լիճը:    Լճի հետ կապված ևս մի տարօրինակ երևույթ կա: Տեղի բնակիչները նրա մեջ մշտապես տարօրինակ իրեր են հայտնաբերում՝ ավտոմեքենայի մասեր, շարժիչներ և այլ ծավալուն աղբ, որ չգիտես՝ որտեղից է այնտեղ հայտնվում: Մաքհյուն կարծում է, որ, ամենայն հավանականությամբ, դրանք ձկնորսների հուսահատ փորձերն են՝ ինչ-որ կերպ փակել անցքը, որպեսզի ջուրն այլևս չգնա, և իրենց գործը չկանգնի: |
