Հետաքրքիր է

Ժամանակին աշխարհի ամենագեր մարդու տիտղոսը կրած անգլիացի Փոլ Մեյսոնն, ինչպես հայտնել էինք, ստամոքսի շունտավորման շնորհիվ նիհարել էր ավելի քան 290 կիլոգրամով: Ժամանակին նա կշռելիս է եղել 441 կգ: Սակայն ավելորդ կիլոգրամներից ազատվելն այնքան էլ չի երջանկացրել 54-ամյա Փոլին, քանի որ նա գերի է դարձել իր մարմնից կախված ավելորդ մաշկին: Դեռ 2012-ին Փոլը հրապարակայնորեն դիմել էր բոլորին՝ խնդրելով օգնել իրեն ազատվել ավելորդ մաշկից: Անգլիայի պարտադիր բուժապահովագրության ֆոնդը հրաժարվելիս է եղել վճարել համապատասխան վիրահատության համար, քանի դեռ Փոլի քաշը չի կարգավորվել:

Որոշ ժամանակ անց Փոլի մասին իմացել է Նյու Յորքում աշխատող պլաստիկ վիրաբույժ Ջենիֆեր Կապիան, ով համաձայնել է վիրահատություն անցկացնել, եթե միայն նա կարողանա գումար գտնել և հասնել ԱՄՆ: Փոլին հաջողվել է հասնել ԱՄՆ, որտեղ ապրում է իր հարսնացուն, իսկ եկող երեքշաբթի դոկտոր Կապիան կիրագործի իր խոստումը և կիրականացնի ավելորդ մաշկից ձերբազատման վիրահատություն: