Հանգստյան օրերին Լաս Վեգասում տեղի է ունեցել WBO Inter-Continental գոտու տիրակալ 28-ամյա հայազգի Վանես Մարտիրոսյանի և 24-ամյա ամերիկացի Ջերմել Չարլոյի միջև մենամարտը։ Մենամարտը տևել է 10 ռաունդ և մրցավարների միաձայն որոշմամբ հաղթանակը տրվել է Չարլոյին՝ 97-93, 96-94, 96-94։ Այսպիսով, Չարլոն իր 26-րդ հաղթանակն է տոնել պրոֆեսիոնալ ռինգում, որոնցից 11-ը՝ նոկաուտով, իսկ Մարտիրոսյանն իր ակտիվում ունի 32 հաղթանակ, որոնցից 21-ը՝ նոկաուտով և երկու պարտություն։