Իրադարձություններ

«Նիկոլ Փաշինյանի մոտ միակ բանը, որ ստացվել է այս ընթացում՝ պայքարել ՀՀԿ-ի դեմ, անգամ այն ժամանակ, երբ ՀՀԿ-ն չի մասնակցում ընտրություններին, նա էլի պայքարում է մեր դեմ: Կարծում եմ՝ երկրի վարչապետից հասարակությունն ավելի մեծ ակնկալիք ունի, քան հավերժական պայքարը նախորդ իշխանության դեմ»,- Աժ-ում լրագրողների հետ զրույցում ասել է ՀՀԿ խմբակցության պատգամավոր Արմեն Աշոտյանն՝ անդրադառնալով վարչապետի երեկվա ելույթին:

Լրագրողները հետաքրքրվել են՝ ո՞ւմ նկատի ուներ Փաշինյանը, «հանրապետականների դուռը գնացած թեկնածուներ» ասելով, պատգամավորը պատասխանել է. «Պետք է նրանից ճշտել... Նա, փաստացի, փուռն է տալիս իր այսօրվա դաշնակիցներին: Ակնհայտ է, որ ակնարկը վերաբերում էր կառավարության մաս կազմող տարբեր ուժերին»: