«Ինչպիսի՞ն կլինի «Ելք»-ի արձագանքը, եթե Սերժ Սարգսյանը ապրիլից հետո դառնա ՀՀ վարչապետ»,- «Ազատության» ֆեյսբուքյան ասուլիսի ժամանակ, դիմելով Նիկոլ Փաշինյանին, հարցրել է օգտատերերից մեկը՝ հիշեցնելով ԱԺ «Ելք» խմբակցության պատգամավոր Արամ Սարգսյանի նախկին հայտարարությունն, ըստ որի՝ անհրաժեշտության դեպքում պատրաստ են ժողովրդին մոբիլիզացնել՝ ծրագիրը խափանելու համար:
«Այո, պատրաստ ենք, բայց խնդիրը հետևյալն է՝ ՀՀ-ում քանի՞ քաղաքացի կա, որ ուզում է մոբիլիզացվել: Քանի՞ քաղաքացի կա, որ պատրաստ է ջանք դնել, որպեսզի չդառնա: Ինչպիսի՞ պատասխան եք ուզում, ասեմ՝ եթե դառնա, կինքնահրկիզվե՞մ, հա՞... «Ելք»-ը կփորձի ամեն ինչ անել, որ չդառնա»,- պատասխանել է ԱԺ «Ելք» խմբակցության ղեկավարը: