ԱՄՆ-ի իշխանությունները ռուսական «ВКонтакте» սոցցանցը ներառել է կայքերի ցուցակում, որոնք խախտում են սեփականության իրավունքը՝ չնայած ձեռնարկվող ջանքերին: Այս մասին ասվում է ԱՄՆ առևտրի նախարարության ներկայացուցիչ Ռոբերտ Լայթհայզերի զեկույցում, հաղորդում է РИА Новости-ն:
«Տեղեկություններն այն մասին, որ VK-ն ջանքեր է գործադրում պիրատների դեմ պայքարում, ոգևորում է: Սակայն չնայած դրան՝ սոցցանցը հակաիրավական գործունեություն է ծավալում: Ամերիկյան կինոարտադրությունն ամսական հազարավոր պիրատական ֆայլեր է հայտնաբերում»,- ասվում է զեկույցում:
ԱՄՆ-ի առևտրի նախարարության՝ պիրատական կայքերի ցուցակում են հայտնվել նաև Rutracker-ն ու BitTorrent-ը: