ԱՄՆ նախագահ Դոնալդ Թրամփը հայտարարել է, որ Նյու Յորքում ահաբեկչության գործով մեղադրվող
Սայֆուլո Սաիպովը մահապատժի է արժանի:
«Նյու Յորքի ահաբեկիչն ուրախ էր, երբ խնդրում էր ԴԱԻՇ-ի դրոշը կախել իր հիվանդասենյակում: Նա սպանեց 8 մարդու, վիրավորեց 12-ին: Նրան պետք է մահապատժի ենթարկել»,- Twitter-ի իր էջում գրել է Թրամփը:
ԱՄՆ նախագահը նաև հայտարարել է, որ պատրաստ է նրան ուղարկել Գուանտանամոյի ռազմական բանտ, որտեղ ԱՄՆ-ն առանց դատարանի պահում է ահաբեկչության համար մեղադրվողներին:
Ավելի վաղ Սաիպովի նկատմամբ ահաբեկչության համար մեղադրանք էր առաջադրվել, նրան ցմահ ազատազրկում կամ մահապատիժ է սպառնում: