Իռլանդիայում հզոր «Օֆելյա» փոթորկի զոհ է դարձել 3 մարդ, նրանք զոհվել են ծառերի ընկնելու հետևանքով: Ինչպես հայտնում է DW-ն, մոտ 360 հազար տուն հոսանքազրկվել է: Դուբլինում ժամանակավորապես դադարեցվել է քաղաքային տրանսպորտի աշխատանքը:
Իշխանությունները քաղաքի բնակիչներին կոչ են արել մեքենա չվարել և առանց անհրաժեշտության տնից դուրս չգալ: Քամու ուժգնությունը կազմում է ժամում 150 կմ:
4 կոմսությունում վտանգի ամենաբարձր՝ կարմիր մակարդակ է հայտարարվել, երկրի մնացած հատվածում՝ նարնջագույն: Հաղորդվում է նաև, որ փոթորիկը հասել է Մեծ Բրիտանիայի տարածք: