2017թ. Խաղաղության նոբելյան մրցանակի է արժանացել Միջուկային զենքի արգելքի միջազգային շարժումը: Այն աշխարհի 101 երկրում 468 գործընկեր կազմակերպություն ունի: Այս մասին ասվում է Նոբելյան հանձնաժողովի թվիթերյան էջում:
Ավելի վաղ հայտնի է դարձել, որ գրականության ոլորտում Նոբելյան մրցանակի է արժանացել ճապոնական ծագմամբ բրիտանացի գրող Կաձուո Իշիգորոն:
Ֆիզիկայի բնագավառում Նոբելյան մրցանակն ստացել են գիտնականներ Ռայներ Վայսը, Բարի Բարիշուն և Կիպու Թորնուն՝ ձգողական ալիքների դիտարկման գործում ունեցած ավանդի համար:
Քիմիայի ասպարեզում մրցանակը շնորհվել է Ժակ Դյուբոշեին, Հոակիմ Ֆրանկին ու Ռիչարդ Հենդերսոնին՝ կենսաբանական նմուշներն ուսումնասիրելու հնարավորություն տվող կրիոէլեկտրոնային միկրոսկոպիայի մշակման համար:
ֆիզիոլոգիայի և բժշկության ոլորտում Նոբելյան մրցանակակիրներ են դարձել ամերիկացիներ Ջեֆրի Հոլին, Մայքլ Ռոսբախին ու Մայքլ Յանգին՝ ցիրկադային ռիթմերը վերահսկող մոլեկուլյար մեխանիզմների ոլորտում արած հայտնագործությունների համար:
Մրցանակների հանձնման հանդիսավոր արարողությունը կկայանա Ալֆրեդ Նոբելի մահվան օրը՝ դեկտեմբերի 10-ին, Ստոկհոլմում: