Ռուսաստանի հատուկ ծառայությունները հաստատել են Ռուսաստանում այսպես կոչված «հեռախոսային ահաբեկչությունների» ալիքի կազմակերպչի ինքնությունը:
Mash ալիքի տեղեկություններով՝ նա ԴԱԻՇ-ի 28-ամյա գրոհային Ալբերտ Աբրամովն է: Հաղորդվում է, որ Աբրամովը ծնվել է Ստավրոպոլում: Նա մեկնել է Սիրիա, որտեղ էլ անդամագրվել է գրոհայինների շարքին:
«Հեռախոսային ահաբեկչությունների» նպատակն է եղել ռուսաստանցիների զգոնության թուլացումը:
Հիշեցնենք, որ Ռուսաստանում շենքերի ականապատման մասին զանգվածային հաղորդագրություններ էին սկսվել ստացվել սեպտեմբերի 11-ից: Սպառնալիքների պատճառով տարբեր բնակավայրերում հարյուր հազարավոր մարդիկ էին տարհանվել: