Մինչ 2019թ. Եվրոմիությունը նոր անդամներ չի ընդունի: Այս մասին հայտարարել է Եվրոհանձնաժողովի ղեկավար Ժան Կլոդ Յունկերը՝ հավելելով, որ առաջիկայում բացառվում է նաև Թուրքիայի անդամկցումը եվրոպական ընտանիքին: Այս մասին հաղորդում է ТАСС-ը:
«Ակնհայտ է, որ այս հանձնաժողովի և այս խորհրդարանի լիազորությունների օրոք մինչ 2019-ընդլայնում չի լինի: Ոչ մի թեկնածու դեռևս պատրաստ չէ: Բայց հետագայում Եվրոպական Միությունը 27 երկրից ավելի շատ անդամ կունենա»,- Ստրասբուրգում Եվրոխորհրդարանի պատգամավորներին ուղերձի ժամանակ հայտարարել է Յունկերը:
Նա նշել է, որ ԵՄ անդամակցության համար դիմող բոլոր պետություններին միանման կոշտ պահանջներ են ներկայացվում: Նա նաև հավելել է, որ Եվրոմիությունը չի հրաժարվում Հարավսլավյաի նախկին պետությունների ՝ Սերբիայի, Բոսնիայի և Հերցոգովինայի, Չեռնոգորիայի, Մակեդոնիայի հետ ինտեգրման ուղղուց: Այդ երկրները ԵՄ-ն դիտարկում է իբրև Արևմտյան Բալակնների միասնական տարածաշրջան: