Ռուսաստանում ԱՄՆ դեսպան Ջոն Թեֆթը Эхо Москвы ռադիոկայանի հետ զրույցում հայտարարել է, որ հակառուսական պատժամիջոցնրեը, որ սահմանվել են ԱՄՆ նախկին նախագահ Բարաք Օբամայի կողմից, Ռուսաստանի հետ պատերազմի այլընտրանքն են եղել:
«Այս էր Օբամայի վարչակազմին ներկայացված ընտրությունը. «Ցանկանո՞ւմ եք պատերազմ Ռուսաստանի հետ»: Ոչ ոք դա չէր ուզում: Ռուսաստանը, որքան ես հասկանում եմ, ևս չէր ցանկանում պատերազմ Միացյալ Նահանգների հետ»,- ասել է Թեֆթը:
Պատասխանելով հարցին՝ արդյոք արդյունավետ են տնտեսական պատժամիջոցները՝ դեսպանը հայտարարել է, որ դրանք «բութ գործիք են» և «բոլորն են դա հասկանում», բայց, այնուամենայնիվ, դրանք արդյունավետ են: Նա նաև հավելել է, որ ՌԴ հանդեպ ամերիկյան վերջին պատժամիջոցներն ամերիկյան ընտրական համակարգի վրա քիբերհարձակումների արձագանքն էին: Նա նշել է, որ ԱՄՆ 50 նահանգից 30-ը հաքերային հարձակման են եթարկվել ՌԴ կողմից, ինչն արդեն անմիջական հարձակում է ընտրական համակարգին, ահա թե ինչու և՛ Սենատը, և՛ Ներկայացուցիչների պալատը միաձայն քվեարկեցին հօգուտ պատժամիջոցների սահմանման:
«Մենք միակը չենք, ֆրանսիացիաները, ֆրանսիական համակարգը ևս սպառնալիքի տակ են եղել»,- հավելել է Թեֆթը: