Անհայտ չարագործը մայիսի 2-ին փչացրել է ամերիկացի հայտնի նկարիչ Քրիստոֆեր Վուլի «Անանուն 2004» կտավը, որի արժեքը գրեթե 3 միլիոն դոլար է: Դեպքը տեղի է ունեցել Քոլորադո նահանգի Ասպեն քաղաքի Օպերային պատկերասրահում: Տեսագրությունում երևում է, ինչպես է սև ակնոցներով տղամարդը մոտեցել կտավին ու 2 անգամ դանակով հարվածել դրան: Ընդհանուր առմամբ՝ նա սրահում գտնվել է ընդամենը 15 վայրկյան: Մինչ օրս չի հաջողվել անգամ պարզել նրա ինքնությունը:
Պատկերասրահի տերը խոստովանել է, որ նկարը գործնականում ոչնչացված է, թեև դեռ շարունակվում է կախված մնալ իր տեղում: