Ֆլորիդայում, Էվերգլեյդս պարկից արևմուտք ընկած տարածքում 95 փոքրիկ կետադելֆիններ դուրս են նետվել ծանծաղուտ և չեն կարողացել վերադառնալ օվկիանոս: Դեպքի վայր ժամանած փրկարարները չեն կարողացել փրկել կենդանիներին: 86 կետադելֆին սատկել է, ևս 9-ին քնեցրել են` մարդասիրական նկրտումներից ելնելով:
Մասնագետները չեն հասկանում, թե ինչու է այդքան մեծ թվով դելֆին համառորեն գնացել դեպի հավաստի մահ: Ափամերձ պահակախումբը փորձել է վախեցնելով հետ վանել կետադելֆիններին, սակայն դա նրանց չի կանգնեցրել: Առավել զարմանալի է այն հանգամանքը, որ նախկինում այս ծովային կենդանիները վերոնշյալ տարածքում չեն հայտնվել: