Թուրքական իշխանությունները Դիարբեքիրում ձերբակալել են «Ամերիկայի ձայնի» արտահաստիքային թղթակից Հաջիջան Ֆարքինին:
Նրա ձերբակալության մանրամասները նախօրեին ներկայացրել է ընտանիքի ընկերը: Աղբյուրի փոխանցմամբ՝ Ֆարքինի ձերբակալության պատճառը չի նշվել: Նրա ընտանիքն ասում է, որ շրջանում հայտարարված արտակարգ դրության պատճառով նույնիսկ փաստաբանն արդեն 5 օր է՝ չի կարողանում նրա հետ կապ հաստատել:
Հիշեցնենք, որ հեղաշրջման փորձից հետո Թուրքիայում արտակարգ դրություն է հաստատվել: Այդ ընթացքում ձերբակալվել են տասնյակ հազարավոր մարդիկ, այդ թվում` բազմաթիվ լրագրողներ: