Միջազգային

Իրանի արևելքում վնասազերծվել է ահաբեկիչների մի խումբ, որը ծրագրել էր խոշոր դիվերսիա իրականացնել, հայտնել է ԻԻՀ ՆԳ նախարար Ռահմանի Ֆազլին: «2 օր առաջ հայտնաբերվել է 20 մ խորությամբ ստորգետնյա թունել՝ 40 մ երկարությամբ: Այն փորած ահաբեկիչները ծրագրել էին հզոր պայթյուն իրականացնել: Այս առիթով ձերբակալված է 40 մարդ»,- ասել է նախարարը: Թունելը հայտնաբերվել է խաշ քաղաքում: Այն բնակելի տան նկուղից տանում է դեպի 2 օբյեկտներ՝ մեկը պատկանում է զինվորներին, մյուսն էլ՝ անվտանգության ծառայողներին: Ահաբեկիչները մտադիր են եղել պայթեցնել դրանք: