IAT Design չինական ընկերությունը Պեկինի ավտոսրահ է բերել Karlmann King վեցմետրանոց արտաճանապարհային մեքենան: Մեքենան թողարկվելու է սահմանափակ քանակությամբ` 10 օրինակով, որոնցից յուրաքանչյուրի արժեքը կազմելու է մոտ 1,9 մլն դոլար: Մեքենան անվանել են ի պատիվ Կարլոմանի` ֆրանկերի թագավորի Կարոլինգների տոհմից, որը թագավորել է 768-771թթ: Նորույթը կառուցվել է Ford F-450 Super Duty ծանր փիքափի հիման վրա, որի թոփային տարբերակի արժեքը ԱՄՆ-ում կազմում է 71,3 հազար դոլար: Այդպիսով, IAT Karlmann-ի գինը 26 անգամ գերազանցելու է իր հարթակային «դոնորի» արժեքը: