Անօդաչու թռչող սարքի հարվածներից Յեմենի հարավում սպանվել է ԴԱԻՇ խմբավորման հրամանատար Ջալյալ Բալիդին, հայտնում է Reuters-ը՝ հղում անելով տեղի իշխանություններին ու ղեկավարության ներկայացուցիչներին: Հարվածները դիպել են Բալիդիին և նրա 2 համախոհներին տեղափոխող ավտոմեքենային: Առայժմ հայտնի չէ, թե ինչ զինված ուժերի է պատկանում թռչող սարքը:
Ավելի վաղ ԴԱԻՇ ահաբեկիչները հայտնել էին, որ իրենք են կազմակերպել Յեմենի նախագահի նստավայրի մոտ տեղի ունեցած պայթյունը, որին զոհ էր գնացել 10 մարդ: