«Տիտանիկ» նավի ճաշացանկի մի օրինակը, որը պահպանվել է առ այսօր, աճուրդի է հանվելու:
Ինչպես գրում է «Ռոյթերս»-ը, աճուրդը, որը կայանալու է սեպտեմբերի 30-ին, կազմակերպվել է «Invaluable» աճուրդի տան կողմից: Կազմակերպիչների նախնական տեղեկություններով` հանրահայտ նավի ճաշացանկը նախատեսվում է վաճառել 50-ից մինչև 70 հազար ամերիկյան դոլարով:
Աղբյուրը նշում է, որ ճաշացանկը պատրաստվել է «Տիտանիկի» խորտակումից ընդամենը մեկ օր առաջ` 1912թ. ապրիլի 14-ին և նախատեսված է եղել կեսօրյա նախաճաշի` լանչի համար: Այն նավի խորտակման ժամանակ փրկվել է առաջին դասի ուղևոր Աբրահամ Լինքոլն Սոլոմոնի կողմից:
Հաղորդվում է նաև, որ մինչ այժմ հայտնի է նմանատիպ միայն մի երկու ճաշացանկի մասին: