Թուրքիայի նախագահ Էրդողանն այսօր 1915թ. իրադարձությունների վերաբերյալ ուղերձ է հասցեագրել: Ինչպես գրում է «Daily Sabah»-ը, Էրդողանի ելույթը կարդացվել է Պոլսո հայոց պատրիարքարանի կողմից կազմակերպված պատարագի ժամանակ՝ Հայր Թաթուլ Սասունյանի կողմից: Իր ուղերձում Թուրքիայի նախագահը նշել է, թե իբր իր երկիրը կիսում և հասկանում է Հայաստանի ցավը: «Առաջին համաշխարհայինի տարիներին Օսմանյան կայսրությունում ապրող տարբեր ժողովուրդներից հազարավոր մարդիկ են մահացել: Մենք հարգում ենք այդ տարիներին մահացած օսմանցի հայերի հիշատակը: Մեր սրտի դռները միշտ բաց են այդ տարիներին մահացածների ժառանգաների համար»,- նշվում է Էրդողանի ուղերձում: