Արևմտյան երկրների կողմից Ռուսաստանի հանդեպ կիրառված պատժամիջոցները կարող են հանվել միայն այն դեպքում, երբ Մոսկվան իրականացնի Մինսկի համաձայնագրով ստանձնած պարտավորվածությունները և հարգի Ուկրաինայի ինքնիշխանությունը: Այս մասին նշվում է «Մեծ յոթնյակի» երկրների արտգործնախարարների` նախօրեին Լյուբեկում կայացած հանդիպման ժամանակ ստորագրած պաշտոնական փաստաթղթում, հայտնում է «Ռոյթերս»-ը: «Պատժամիջոցներն ինքնանպատակ չեն, դրանց գործունեության շարունակությունը սերտ կապված է Ռուսաստանի կողմից Մինսկի համաձայնագրի իրագործման հետ»,- ասվում է փաստաթղթում: Փաստաթղթում ևս մեկ անգամ շեշետվում է, որ Ռուսաստանը պետք է կիրառի իր նկատելի ազդեցությունը` անջատականներին սաստելու համար: