Քուրդ զինյալները համացանցում հրապարակել են տեսանյութ, որտեղ երևում է, թե ինչպես են ոչնչացնում մահապարտ ահաբեկչին ու նրա մեքենան, որը լցված է եղել պայթուցիկով: Դեպքը տեղի է ունեցել Իրաքի Քիրքուք նահանգում: Ահաբեկչի մեքենան ժամանակին նկատել են Փեշմերգի զինված խմբավորման զինյալները և կրակ բացել: Այդ պահին տեղի է ունեցել անսպասելին՝ ավտոմեքենան մի քանի տասնյակ մետր վերև է բարձրացել, ապա՝ օդում պայթել: Ակնհայտ է, որ դրա ներսում գտնվող ահաբեկիչը ոչնչացվել է:
Նշենք, որ «Իսլամական պետության» ահաբեկիչները հաճախ են կիրառում պայթուցիկներով լի ավտոմեքենաները՝ ահաբեկչություններ իրականացնելու համար: