Այսօր հայկական ու համաշխարհային լրատվամիջոցների ամենաքննարկվող թեմաներից մեկը Քիմ Քարդաշյանի՝ Հայաստան կատարած այցն է: Համաշխարհային ԶԼՄ-ները միաբերան նշում են, որ Քիմը Հայաստան է եկել իր արմատներին առնչվելու և հայոց ցեղասպանության 100-ամյա տարելիցը ոգեկոչելու համար: Նշենք, որ Քիմը ծնվել է 1980 թվականի հոկտեմբերի 21-ին՝ Քալիֆորնիայում, մեծացել է Բեվերլի Հիլզում: Նրա հայրը ծագումով Արևմտյան Հայաստանի Կարսի նահանգի Քարաքալե գյուղից է, իսկ մայրը՝ կիսով չափ շոտլանդուհի և կիսով չափ՝ հոլանդուհի:
Քիմը հաճախ է ասում, որ ինքը 50%-ով հայ է, 25%-ով շոտլանդուհի և 25%-ով հոլանդուհի:
Հայտնի հայուհին ապահովված ու անհոգ մանկություն է ունեցել իր ծնողների և քույրերի հետ: