Եմենում ռազմական ու քաղաքական իրադրության սրվածության պատճառով ԱՄՆ-ը տարհանել է այդ երկրում գտնվող իր ամբողջ անձնակազմը: Այս մասին հայտնում է ԱՄՆ պետքարտուղարության ներկայացուցիչը:
Ավելի վաղ հաղորդվում էր, որ ԱՄՆ-ը տարհանում է Ալ-Անադ ռազմաբազայում գտնվող իր զինվորներին:
Իսկ Եմենի նախագահ Աբդ Ռաբբու Մանսուր Հադին դիմել է ՄԱԿ Անվտանգության խորհրդին՝ խնդրելով խորհրդակցություն հրավիրել երկրում ստեղծված բարդ իրավիճակի կապակցությամբ: Նշենք, որ այստեղ ապստամբների և կառավարական ուժերի միջև բախումները գնալով առավել լարված բնույթ են ստանում: