Ֆինլանդական փանք խումբը, որը կրում է Pertti Kurikan Nimipäivät (կրճատ՝ PKN) անվանումը, մտադիր է ելույթ ունենալ Եվրոպայի գլխավոր երաժշտական մրցույթում՝ Եվրոտեսիլում, որն այս տարի կանցկացվի Վիեննայում: Այս խմբի յուրահատկությունն այն է, որ նրա բոլոր անդամները տառապում են Դաունի համախտանիշով:
Խմբի առաջատար Փերի Քուրիքը չի թաքցնում, որ իրենց գլխավոր նպատակն այն է, որ բարձրաձայնվեն այդ հիվանդությամբ տառապողների իրավունքները: Իրենց ելույթը խթան կհանդիսանա, որ Դաունի համախտանիշով հիվանդների համար սոցիալական ծրագրեր կազմվեն և նպաստեն, որ նրանք զբաղվեն ստեղծագործելով:
PKN-ի արտիստների հետ մեկտեղ այս տարի Ֆինլանդիայից Եվրոտեսիլին մասնակցելու համար ներկայացվել է ևս 17 հայտ: