Համացանց

«Մայր Հայաստան» շարժման առաջնորդ Անդրանիկ Թևանյանի ֆեյսբուքյան գրառումը․ «Վրաստանի «հարիֆ» և Հայաստանի «շուստրի» իշխանությունները։
     Վրացիները շատ «հարիֆ» դուրս եկան։ Ուրախանում են, որ իրենց ֆուտբոլի հավաքականը պատմության մեջ առաջին անգամ մասնակցելու է Եվրո-2024-ի եզրափակիչ փուլին։ Ընդամենը։
     Հայաստանը Եվրո-2024-ին չի մասնակցի, բայց «զատո» մեզ խոստացվել է, որ մինչև 2050-ը ՀՀ ֆուտբոլի ազգային հավաքականը դառնալու է աշխարհի կամ Եվրոպայի առաջնության գավաթակիր։
     Ի դեպ, վրացիները «հարիֆություն» են անում նաև աշխարհաքաղաքական հարցերով։ Ոչ մի կերպ չեն համաձայնում Արևմուտքի ձեռքում Վրաստանը դարձնել մանրադրամ՝ ընդդեմ Ռուսաստանի։ Մինչդեռ Հայաստանի իշխանությունն այս հարցում առաջադեմ է՝ հանձնում է սեփական երկիրը՝ հանուն այլոց, այդ թվում՝ մեր թշնամիների շահերի»։