Թուրքիայի Vatan («Հայրենիք») կուսակցության առաջնորդ Դողու Փերինչեքը կոչ է արել Թուրքիայի կառավարությանը դուրս գալ ՆԱՏՕ-ից՝ «հանուն ԱՄՆ-ի կեղտոտ շահերի չմեռնելու համար»: Նրա խոսքը մեջբերում է РИА Новости-ն:
«Եկեք դուրս գանք ՆԱՏՕ-ից: Եկեք կանխենք պատերազմը»,-ասել է նա:
Փերինչեքը նաև հայտարարել է, որ Մոսկվայի Crocus City Hall-ում տեղի ունեցած ահաբեկչական գործողությունն ուղղված է ոչ միայն Ռուսաստանի, այլև Թուրքիայի դեմ: