ՀՀ պաշտպանության նախկին նախարար, ԳՇ պետի նախկին տեղակալ Արշակ Կարապետյանը նախօրեին հայտարարել էր, որ ՀՀ կառավարության ղեկավարն է դիմել Ադրբեջանին՝ Ռուբեն Վարդանյանին ձերբակալելու խնդրանքով: ՀՀԿ Գործադիր մարմնի անդամ Էդուարդ Շարմազանովը 24TV-ի եթերում ասել է, որ անձամբ չի ճանաչում Կարապետյանին, բայց ճանաչում է Նիկոլ Փաշինյանին. «Ճանաչելով Փաշինյանի հակապետական, հակահայկական, հակաարցախյան էությունը՝ հավանական եմ համարում, որ Ռուբեն Վարդանյանի, և ոչ միայն նրա, ձերբակալման մեջ Փաշինյանի մատը խառն է, բայց ես չեմ հասկանում մի բան՝ ինչո՞ւ է Կարապետյանը հիմա խոսում: Նա 2021-ին է հրաժարական տվել կամ հեռացվել պաշտոնից, հիմա 2023-ն է, որի ընթացքում Արցախ ենք կորցրել... Զատկից հետո ներկած ձուն ո՞ւմ ա պետք»: