Խնդրում ենք սպասել...

Միջազգային

Թուրքիան ամբողջությամբ փակել է Դարդանելի նեղուցը

11:12, չորեքշաբթի, 23 օգոստոսի, 2023 թ.
Թուրքիան ամբողջությամբ փակել է Դարդանելի նեղուցը

Թուրքիայի հյուսիս-արևմուտքում գտնվող Չանաքքալե նահանգում մոլեգնող խոշոր անտառային հրդեհի պատճառով Դարդանելի նեղուցը երկու ուղղություններով փակ է նավերի շարժի համար։ Այս մասին հայտարարել է Թուրքիայի ներքին գործերի նախարար Ալի Երլիկայան։

Ավելի վաղ նեղուցի մերձակայքում գտնվող Չանաքքալե նահանգում հրդեհ էր բռնկվել, որն ուժեղ քամու պատճառով սկսել էր արագ տարածվել։ Հրդեհաշիջման աշխատանքներին ներգրավված է 8 ինքնաթիռ, 26 ուղղաթիռ, մոտ 180 միավոր վերգետնյա տեխնիկա։

«Որպես նախազգուշական միջոց՝ Չանաքքալե-Չան ավտոճանապարհը փակ է քաղաքացիական երթևեկության համար, իսկ Դարդանելը՝ երկու կողմից՝ ծովային տրանսպորտի համար»,- այսօր ասել է Ալի Երլիկայան՝ նշելով, որ հրդեհից տուժած շրջանից արդեն տարհանվել է 1251 մարդ։

7563 | 0
Facebook