Խնդրում ենք սպասել...

Իրադարձություններ

Ավելի քան 186 բուժառու սպասում է իր տեղափոխությանը ՀՀ մասնագիտական բժշկական կենտրոններ

19:12, ուրբաթ, 14 հուլիսի, 2023 թ.
Ավելի քան 186 բուժառու սպասում է իր տեղափոխությանը ՀՀ մասնագիտական բժշկական կենտրոններ

Ինչպես հայտնի է, հուլիսի 11-ից Ադրբեջանը կրկին արգելափակել է Կարմիր խաչի միջազգային կոմիտեի կողմից առողջական ծանր խնդիրներ ունեցող արցախցի բուժառուների տեղափոխումը Հայաստանի Հանրապետություն, ինչպես նաև բուժառուների հետվերադարձը դեպի Արցախ:

Ավելի քան 186 բուժառու սպասում է իր տեղափոխությանը Հայաստանի Հանրապետության մասնագիտական բժշկական կենտրոններ՝ անհապաղ բուժօգնություն ստանալու համար:

«Արևիկ» բուժմիավորումում այս պահին ստացիոնար բուժում է ստանում 33 երեխա, 4-ը գտնվում է նորածնային և վերակենդանացման բաժանմունքում:

«Հանրապետական բժշկական կենտրոն» ՓԲԸ-ում ստացիոնար բուժում է ստանում 102 հիվանդ, 5 բուժառու գտնվում է վերակենդանացման բաժանմունքում, որոնցից 2-ը ծայրահեղ ծանր վիճակում։

5325 | 0
Facebook