Համացանց

Բլոգեր, խմբագիր Արամ Գևորգյանի գրառումը. «Պեմզաշենի դեպքի համար մարդիկ, չուզենալով հավատալ, որ հայեր են այդ ոճրագործության հեղինակները, ասում են՝ «հայը տենց բան չէր անի, էրեխա չէր սպանի»: Չեն ուզում հավատալ այսօրվա իրականությանը:
     Իսկ իրականում կաներ, հատկապես այսօրվա հայը կաներ, որովհետև հայն էլ, ինչպես մնացած մարդ արարածները, գազան է: Ու այդ գազանական բնազդները դարեր ի վեր փորձել են ճշնվել բարոյական ու իրավական նորմերով: Պետությունն ասում էր՝ գազանություն անես՝ կկախեմ, եկեղեցին ասում էր՝ գազանություն անես՝ դժոխք կընկնես:
     Այսօրվա իրականության մեջ մենք ունենք մի պետություն, որը զբաղված է ոչ թե իր ժողովրդի միջի գազանին ճնշելով, այլ սեփական աթոռը պահելով, ու վերջինի պարագայում պատրաստ են ամենավերջին ձևով այլասերել հասարակությանը, ժողովրդին, անարխիա տարածել, միայն թե մնան իշխանության ու ունենան համակիրներ:
     Դե, իսկ եկեղեցուց մենք վաղուց ենք հեռացել ու հիմա դժոխք ընկնելը դադարել է սպառնալիք լինելուց:
     Հավատացեք, մի հասարակություն, որի բարոյական նկարագիրը իջել է այն մակարդակի, որ վերջին հայհոյանքներն են գրում հայրենիքի համար զոհված տղերքի ծնողների հասցեին, այդ նույն հասարակության անդամը պատրաստ է երեխա էլ սպանել, մի բան էլ ավել:
     հ.գ. ի դեպ, ասում են, որ մարդասպանների քաղաքական էտալոնը նիկոլն ա եղել, ու, որ փաստորեն 3 «տղամարդկանցով» հարձակվել ու սպանել են կնոջ ու 2 երեխայի: Լրիվ նորմալ ա ու տեղավորվում ա նիկոլականի՝ շակալին հատուկ հոգեբանության մեջ»: